U3F1ZWV6ZTIwOTM5NTg3MTQ0MjEyX0ZyZWUxMzIxMDUwMjIzNDU4Mw==

ازاي تسرع تحميل موقعك وتقلل حجم الصور في Google Insight




موضوع ال 'webp'


 اعتقد ان ناس تعرفه وناس كتير متعرفوش...
لو انت شغال في مجال الويب وخاصةً لو في الوجهات الاماميه فلازم تكون علي درايه كامله بالفرق بين ال صيغ المتاحه للصور.. طبعاً فيه شخص هيقول انا ماليش علاقه بالصور او هتفرق في ايه؟!!
لحظه بقي هنا لانها هتفرق كتير جدا
لما يجيلك عميل ويطلب منك تعمله موقع اي كان مش هنختلف، طبعاً العميل هيبعتلك ملف خاص بالصور ال هتكون جوه الموقع وشويه ملفات تانيه كدا انت هتستخدمهم وميهمناش دلوقتي..
انت ك web developer بتستدعي الصور في ال website وبينتهي الموضوع،، وييجي العميل ياخد منك الموقع ويبدا يعمله test علي Google Insight 😑.
هنا بقي يبدا الموضوع..
جوجل هتعرفه ان الموقع نسبه سرعته منخفضه وطبعاً العميل مش عارف السبب وهيكون متاكد ان العيب فيك انت وفي الكود الخاص بيك... 
لو انت متابع المجال كويس هتعرف ان كل الصور ال jpeg و ال png بيكون حجمها كبير جدا ولما بتنهي مشروعك بتلاقي ان ملف الصور ما شاء الله اكبر ملف في المشروع كله وده اكيد هيأثر علي المده ال بيستدعي فيها الموقع الصور.
شركه جوجل بتفضل جدا صيغه ال webp وده لان حجمها قليل جدا مقارنه بصوره تاني بصيغه ال png او jpeg او غيرها.. وثانياً لان لو عندك صوره باي صيغه وحولتها ل webp مش هتلاقي اي فرق من حيث ال resolutions...
لو استخدمت كل الصور ال عندك بصيغه webp هتلاقي ان سرعه موقع فرقت بشكل ملحوظ جدا.. 
Google insight بتقول ان دي هي الصيغه المستقبليه للصور ال هيتم رفعها علي اي موقع. 
طبعاً مش محتاج اقولكم ان فيه اكتر من 100 مواقع ال بتقدر تحولك الصور ل webp.
الموضوع سهل وبسيط بس هيفرق معاك جدا في سرعه الموقع. 

ازاي احول الصور الي webp :-

انت هتخش علي  رابط الموقع دا

وبعد كدا تخش 
تحدد الصيغة بتاعة ملفك
 وبعد كدا ترفع الملف
وتضغط علي كلمة تحويل 
وتستني ثواني حسب سرعة النت
وبعد كدا تضغط تنزيل
وترفع تاني علي مدونتك او موقعك.
ليست هناك تعليقات
إرسال تعليق

إرسال تعليق

الاسمبريد إلكترونيرسالة